تاني مشكلة جت للمدونة
أختنا بتقول
لي صديقة أحبها جدا جدا
عثرت عليها بعد رحلة بحث طويلة عن صديقة جيدة
والآن وبعد أن توطدت علاقتنا كثيرا وأصبحنا أكثر من أختين فإني معرضة لأن أخسرها
صديقتي مرتبطة بإنسان لم أرى منه إلا كل خير ولم أعرف عنه أي شيء سيء
رأيته معها مرات قليلة وتحدثنا سويا ثلاثتنا وبطبيعة الحال عرفت رقم موبايله وعرف رقمي
ارسل لي رسائل قليلة جدا كالتهنئة ربما اثنين
حدثت بين صديقتي وبينه مشكلة وقالت لى اتصلى به وكانى لا اعرف واجعليه يتصل بي
وهذا ما حدث فعلا اتصلت به واصلحت بينهما وقلت له انها لا تعرف كما اخبرتنى ان اقول له
وبعدما انهيت معه المكالمة اتصلت بها واخبرتها كل ماحدث
وتكرر هذا الامر مرة اخرى وايضا اخبرتها بما حدث
بعد ذلك حدثت لي مشكلة ولم تتصل بي صديقتي لتطمئن على ولم اكن اريد ان اتصل بها لاعرف هل سوف تتصل بي ام لا وخفت ان يكون عدم اتصالها لان عندها مشكلة
وكان الحل الذى وجدته لاطمئن عليها من دون علمها ان اكلمه واساله عنها وبالفعل فعلت هذا وقلت له الا يخبرها حتى ارى هل سوف تتصل بي ام لا
واتصلت بها بعد ذلك وتصالحنا
بعذ ذلك بفترة ليست بالقليلة إذا به يرسل لي رسالة كلمنى شكرا فاتصلت به
وسالته ماذا
قال انه حدثت مشكلة كذا وكذا بينهما وانه لم يعرف مع من يتكلم فحدثته ان ما فعلته هى كان شيئا مثاليا وانها تصرفت جيدا وانه ليس على حق لكى يغضب منها وانه لم يكن فى يدها غير هذا
بعد ذلك وجدته يتصل بي ويقول لى انه يريد ان يقابلنى ضرورى لامر هام وانه مش هاينفع يقوله فى التليفون
فقلت له هل هي مشكلة بينك وبينها قال يعني
الآن انا خايفة لا يكون عايز يسيبها خاصة بما انه قال لها كلام مثل ذلك وبعدين رجع قال لها انا اسف وماكانش المفروض اقول لك الكلام ده فى فترة امتحانات
خايفة لا يكون ناوى يسيبها بسبب انى تدخلت بينهم خاصة اننا بنشوف الكلام ده كتير اوى فى الافلام والمسلسلات
هل انا مخطئة انى تدخلت بينهم من الاول حتى ولو كان هذا بطلب منها ؟
والان ماذا يمكن ان افعل لكى لا اكون السبب فى انفصالهم ولكى اجعلهم يفضلوا مع بعض ؟
هل يتوجب على ان اخبر صديقتي خاصة وانا حاسه انه مش يستاهلها لو كان ده اللى فى نيته ؟
Tuesday, January 8, 2008
Friday, October 26, 2007
أول مشكلة
دى اول مشكلة تيجي للمدونة
واخونا بيقول
انا متضايق علشان انا بسامح اللى بيظلمنى واحيانا اعتذر له لدرجة انه بعد كده بيرجع يقولى فاكر لما غلطت فيا
ورجعت اعتذرت ..ساعتها بندم انى سامحته لانه اعتبر اعتذارى انى غلطان بينما انا كنت بعتذر علشان ألم الموضوع وما يوسعش ..وبالرغم من ان ده شئ بيضايقنى لكنى مش حاسس انه مشكلة ..عادى لانى سامحتهم لوجه الله هم اللى عندهم مشكلة مش انا
واخونا بيقول
انا متضايق علشان انا بسامح اللى بيظلمنى واحيانا اعتذر له لدرجة انه بعد كده بيرجع يقولى فاكر لما غلطت فيا
ورجعت اعتذرت ..ساعتها بندم انى سامحته لانه اعتبر اعتذارى انى غلطان بينما انا كنت بعتذر علشان ألم الموضوع وما يوسعش ..وبالرغم من ان ده شئ بيضايقنى لكنى مش حاسس انه مشكلة ..عادى لانى سامحتهم لوجه الله هم اللى عندهم مشكلة مش انا
Friday, October 19, 2007
مشكلة مشكلة وحلها
اخى الاستاذ الباحث عن الحقيقة تفضل مشكورا بانه حلل مشكلة مدونة مشكلة وحلها فى كومينت وانا هاقول المشاكل دى و حلها او تحليلي لها
اولا: سنك صغير ..وده مؤثر جدا ازاى انا ياللى عندى ...سنه ابعت لاختى الصغيره اللى عندها 18 سنة مشكلة علشان تحلها؟
طيب دى حاجة انا علقت عليها فى فكرة المدونة وقلت
انى ان شاء الله سايبة الكومينتس مفتوحة علشان ما يبقاش اللي بعت مشكلة هايشوف حل من وجهة نظره حل بنت صغيرة وخبرتها مهما كانت قليلة فلما الكومينتس تبقى مفتوحه هايبقى عنده فرصة ان ياخد اكتر من حل من اكتر من شخصية واكتر من سن وانواع مختلفة من الناس وخبرات متعددة لان مش هايبقى حلى لوحدى هايبقى حل من كل انسان يتفضل ويقدم حل متوسم فيه خير
ونوهت انى مش هامسح اى تعليق الا لو كان فيه حاجة تضايق صاحب المشكلة او بمعنى اصح السباب لصاحب المشكلة او للمشكلة فى حد ذاتها او ليا
ثانيا: انتى شخصية معروفه والناس تحب تقول اسرارها لشخص مايكونش يعرفهم ويعرفوه انما انتى خلاص اندمجتى مع الناس
مش عارفه انا مش حاسه انى شخصية معروفه بالمرة وبعدين انا ماحدش عارف انا مين ولا انا اعرف اى حد يبقى مين الا ناس معدودين ودول اللى قالوا اسمائهم ومش عارفين شخصياتهم الحقيقية كمان فحكاية ان حد يعرف حد دى نادرة
كمان هانقول انه ماشي فيه شخصية تدوينية لكل حد هايكون خايف عليها او خايف ان صورته تتهز قدام المجتمع التدوينى ومجموعة المدونين اللى هو هايبقى خايف على صورته قدامهم
فى دى هاقول
ان ده راجع لامانتى
طيب
الانسان اللى باعت المشكلة ده مش هايبقى واثق فى امانتى لانه ما يعرفنيش
انا بحب التفكير المنطقى اللى هو واحد زائد واحد يساوى اتنين
وده مجرد مثال للتوضيح
بما انى عاملة مدونة علشان الناس تبعت مشاكلها وتلاقى حلول ليها من ناس تانية يعني فى الاول والاخر المدونة معتمده على الناس مش عليا لان الناس هاتبعت والناس هاتساعد والناس ها ترد لو انا فقدت عامل الثقة يبقى انسى كل الناس يبقى اكيد انا هحافظ على الثقة دى
بسيطة صح
ثالثا: لما ابعتلك مشكلة من ايميلى هتعرفى ايميلى وده هيحسس اى حد انك ممكن تعرفيه بينما صاحب المشكلة بيحب يكون مجهول على طول
طيب انا اعرف اى مدون كاسمه على المدونة وكمدونته مش عارفه ايميله ده لو كان ليه ايميل واحد بس اصلا فحكاية الايميل دى مش حاجة تهدد لانه انا مش هاقدر اربط كل ايميل بالمدون صاحب المشكلة
ونفترض انه بعت من ايميل له علاقة بالمدونة
طيب وايه المشكلة انا كده كده مش هاكتب اى حاجة تدل على هوية صاحب المشكلة اما لو عن ان صاحب المشكلة هايكون قلقان من نظرتى الشخصية فانا واحدة بس في ملك فمش مهمه اوى
غير كده انا نظرتى لاى حد مش هاتبقى من مشكلة واحدة ايا كانت وايا كانت عواملها نظرتى للانسان نظرة شاملة يعني انا هاحكم على الانسان من حياة كامله ده غير ان الانسان من لحظة للتانية بيتغير فمش حاجة مهمة انى اعرف هوية صاحب المشكلة
هانقول طيب انها مشكلة ممكن تبقى اخلاقية وهو نوع المدونين اللى ممكن يبقى ظاهر بصورة متدينة فهايكون خايف على مصداقيته
هاقول كل ابن ادم خطاء وخير الخطائين التوابون واللى يقول ان فى انسان ما بيغلطش ده شخص ليه اوصاف كتير اقلها انه مش عاقل ومالوش خبرة فى الحياة فبرضه عاااااااااااااادى
رابعا: ......ودى مسألة فنية وهى القدرة على جذب الجمهور ودى كارزما وموهبه
حكاية جذب الجمهور دى فبصراحة انا مافكرتش فيها يعني انا سايبة المدونة مع الوقت هاتتعرف وهايبقى لها مكانتها ومصداقيتها مع الناس
اما الكارزما فدى زى ما حضرتك قلت هى موهبة ربانية وما اظنش ان اللى عنده مشكلة هايبقى عايز حد عنده كاريزما علشان يحلها له هو اكيد هايبقى محتاج حد عاقل وتفكيره منظم وشخصية مسؤولة اكتر من انه يكون شخصية كاريزماتيك
وفى الاخر احب اقول لاخى الباحث عن الحقيقة اكيد متشكرة جدا
وجزاك الله خيرا على اهتمام حضرتك بمساعدة مدونة مشكلة وحلها
اولا: سنك صغير ..وده مؤثر جدا ازاى انا ياللى عندى ...سنه ابعت لاختى الصغيره اللى عندها 18 سنة مشكلة علشان تحلها؟
طيب دى حاجة انا علقت عليها فى فكرة المدونة وقلت
انى ان شاء الله سايبة الكومينتس مفتوحة علشان ما يبقاش اللي بعت مشكلة هايشوف حل من وجهة نظره حل بنت صغيرة وخبرتها مهما كانت قليلة فلما الكومينتس تبقى مفتوحه هايبقى عنده فرصة ان ياخد اكتر من حل من اكتر من شخصية واكتر من سن وانواع مختلفة من الناس وخبرات متعددة لان مش هايبقى حلى لوحدى هايبقى حل من كل انسان يتفضل ويقدم حل متوسم فيه خير
ونوهت انى مش هامسح اى تعليق الا لو كان فيه حاجة تضايق صاحب المشكلة او بمعنى اصح السباب لصاحب المشكلة او للمشكلة فى حد ذاتها او ليا
ثانيا: انتى شخصية معروفه والناس تحب تقول اسرارها لشخص مايكونش يعرفهم ويعرفوه انما انتى خلاص اندمجتى مع الناس
مش عارفه انا مش حاسه انى شخصية معروفه بالمرة وبعدين انا ماحدش عارف انا مين ولا انا اعرف اى حد يبقى مين الا ناس معدودين ودول اللى قالوا اسمائهم ومش عارفين شخصياتهم الحقيقية كمان فحكاية ان حد يعرف حد دى نادرة
كمان هانقول انه ماشي فيه شخصية تدوينية لكل حد هايكون خايف عليها او خايف ان صورته تتهز قدام المجتمع التدوينى ومجموعة المدونين اللى هو هايبقى خايف على صورته قدامهم
فى دى هاقول
ان ده راجع لامانتى
طيب
الانسان اللى باعت المشكلة ده مش هايبقى واثق فى امانتى لانه ما يعرفنيش
انا بحب التفكير المنطقى اللى هو واحد زائد واحد يساوى اتنين
وده مجرد مثال للتوضيح
بما انى عاملة مدونة علشان الناس تبعت مشاكلها وتلاقى حلول ليها من ناس تانية يعني فى الاول والاخر المدونة معتمده على الناس مش عليا لان الناس هاتبعت والناس هاتساعد والناس ها ترد لو انا فقدت عامل الثقة يبقى انسى كل الناس يبقى اكيد انا هحافظ على الثقة دى
بسيطة صح
ثالثا: لما ابعتلك مشكلة من ايميلى هتعرفى ايميلى وده هيحسس اى حد انك ممكن تعرفيه بينما صاحب المشكلة بيحب يكون مجهول على طول
طيب انا اعرف اى مدون كاسمه على المدونة وكمدونته مش عارفه ايميله ده لو كان ليه ايميل واحد بس اصلا فحكاية الايميل دى مش حاجة تهدد لانه انا مش هاقدر اربط كل ايميل بالمدون صاحب المشكلة
ونفترض انه بعت من ايميل له علاقة بالمدونة
طيب وايه المشكلة انا كده كده مش هاكتب اى حاجة تدل على هوية صاحب المشكلة اما لو عن ان صاحب المشكلة هايكون قلقان من نظرتى الشخصية فانا واحدة بس في ملك فمش مهمه اوى
غير كده انا نظرتى لاى حد مش هاتبقى من مشكلة واحدة ايا كانت وايا كانت عواملها نظرتى للانسان نظرة شاملة يعني انا هاحكم على الانسان من حياة كامله ده غير ان الانسان من لحظة للتانية بيتغير فمش حاجة مهمة انى اعرف هوية صاحب المشكلة
هانقول طيب انها مشكلة ممكن تبقى اخلاقية وهو نوع المدونين اللى ممكن يبقى ظاهر بصورة متدينة فهايكون خايف على مصداقيته
هاقول كل ابن ادم خطاء وخير الخطائين التوابون واللى يقول ان فى انسان ما بيغلطش ده شخص ليه اوصاف كتير اقلها انه مش عاقل ومالوش خبرة فى الحياة فبرضه عاااااااااااااادى
رابعا: ......ودى مسألة فنية وهى القدرة على جذب الجمهور ودى كارزما وموهبه
حكاية جذب الجمهور دى فبصراحة انا مافكرتش فيها يعني انا سايبة المدونة مع الوقت هاتتعرف وهايبقى لها مكانتها ومصداقيتها مع الناس
اما الكارزما فدى زى ما حضرتك قلت هى موهبة ربانية وما اظنش ان اللى عنده مشكلة هايبقى عايز حد عنده كاريزما علشان يحلها له هو اكيد هايبقى محتاج حد عاقل وتفكيره منظم وشخصية مسؤولة اكتر من انه يكون شخصية كاريزماتيك
وفى الاخر احب اقول لاخى الباحث عن الحقيقة اكيد متشكرة جدا
وجزاك الله خيرا على اهتمام حضرتك بمساعدة مدونة مشكلة وحلها
Wednesday, August 22, 2007
فكرة المدونة
بسم الله الرحمن الرحيم
والحمد لله رب العالمين والصلاة والسلام على أشرف المرسلين سيدنا محمد وعلى آله وصحبه أجمعين
أما بعد
طبعا اسم المدونة موضح فكرتها بس أوضح اكتر
كل حد بييجي عليه وقت ويبقى محتاج صديق يحكى له على مشكلة مؤرقاه وطبعا المشكلة دي ممكن تبقى خاصة أو عائلية أو الحد ده عمل مصيبة يعني أيا كان بيبقى عايز يحكيها لصاحبه ويحلها معاه ويا ريت لو صاحبه بعد كده يفقد الذاكرة علشان ما يفتكرش المشكلة دي لأنها ممكن تبقى سر ده مش ممكن ده في الغالب بتبقى أكيد سر
وبما إن الواحد مش ضامن اللي صاحبي النهاردة ممكن يبقى بكرة من ألد أعدائي أو يبقى هو ألد أعدائي أصلا
فأنا فكرت في المدونة دي ها تبقى حاجة كده زى بريد الجمعة بتاع جريدة الأهرام بتاع الأستاذ عبد الوهاب مطاوع الله يرحمه و الإيميل بتاعها على اليمين ها تلاقوه اللي عنده مشكلة يبعتها وبالظبط زى بريد الجمعة ها يكون المشكلة وتحتها الرد عليها وطبعا التعليقات هاتكون مفتوحة يعني كل حد يقرأ المشكلة ويلاقى إن عنده ليها حل متوسم فيه خير يكتبه وصاحب المشكلة ياخد انسب الحلول سواءا من ردى أو من التعليقات وبكده يبقى جمع اكبر قدر من الحلول وزى ما بيقولوا لا خاب من استشار ولا ندم من استخار فإحنا ها يكون علينا استشار والاستخارة بقى دي تبقى بينه وبين ربنا
وطبعا فيه نداء لكل إنسان عايز يستفز صاحب المشكلة أو صاحبة المدونة يا ريت الله يكرمك أعفينا من تعليقاتك لو عندك كلمة طيبة وحل مناسب اكتبه ولو مش عندك يبقى صمتك أفيد للجميع والرحمة حلوة برضه
ويا جماعة أنا ولا عامله نفسي مصلحة اجتماعية ولا فاكرة نفسي أم العريف ولا بيتهيألى إني حكيمة زماني والكلام ده اللي أكيد ناس ها تقوله أيا كانوا
أنا لو صغيرة في السن فتأكدوا إن خبرتي كبيرة أوى اكبر من سني و بعدين صاحب المشكلة مش ها يكون قدامه الحل بتاعي أنا وبس لا ده ها يكون قدامه حلول من كل الأنواع والأشكال والأعمار لأني ها سيب التعليقات مفتوحة
وإعلان هام
أي حد ها يقول كلام مش كويس أو يشتم أو أي تعليق مهين لصاحب المشكلة أو ليا أنا أو حتى للمدونة أنا ها حذفه مع إن مش من مبادئي حذف التعليقات بس ده ها يكون رحمة ورفقا بصاحب المشكلة اللي عادة لما بيبقى حد في مشكلة بيكون حساس جدا وسهل إن مشاعره تتجرح
إن شاء الله ها يكون فيه نشر لمشكلة في الأسبوع ده لو أنا مشغولة موووووووووت ولو أنا فاضية فها تبقى على قدر ما ربنا يقدرني إن شاء الله
والمدونة دي من باب من فك كربة مسلم وإدخال السرور على قلب مسلم
والله المستعان
والحمد لله رب العالمين والصلاة والسلام على أشرف المرسلين سيدنا محمد وعلى آله وصحبه أجمعين
أما بعد
طبعا اسم المدونة موضح فكرتها بس أوضح اكتر
كل حد بييجي عليه وقت ويبقى محتاج صديق يحكى له على مشكلة مؤرقاه وطبعا المشكلة دي ممكن تبقى خاصة أو عائلية أو الحد ده عمل مصيبة يعني أيا كان بيبقى عايز يحكيها لصاحبه ويحلها معاه ويا ريت لو صاحبه بعد كده يفقد الذاكرة علشان ما يفتكرش المشكلة دي لأنها ممكن تبقى سر ده مش ممكن ده في الغالب بتبقى أكيد سر
وبما إن الواحد مش ضامن اللي صاحبي النهاردة ممكن يبقى بكرة من ألد أعدائي أو يبقى هو ألد أعدائي أصلا
فأنا فكرت في المدونة دي ها تبقى حاجة كده زى بريد الجمعة بتاع جريدة الأهرام بتاع الأستاذ عبد الوهاب مطاوع الله يرحمه و الإيميل بتاعها على اليمين ها تلاقوه اللي عنده مشكلة يبعتها وبالظبط زى بريد الجمعة ها يكون المشكلة وتحتها الرد عليها وطبعا التعليقات هاتكون مفتوحة يعني كل حد يقرأ المشكلة ويلاقى إن عنده ليها حل متوسم فيه خير يكتبه وصاحب المشكلة ياخد انسب الحلول سواءا من ردى أو من التعليقات وبكده يبقى جمع اكبر قدر من الحلول وزى ما بيقولوا لا خاب من استشار ولا ندم من استخار فإحنا ها يكون علينا استشار والاستخارة بقى دي تبقى بينه وبين ربنا
وطبعا فيه نداء لكل إنسان عايز يستفز صاحب المشكلة أو صاحبة المدونة يا ريت الله يكرمك أعفينا من تعليقاتك لو عندك كلمة طيبة وحل مناسب اكتبه ولو مش عندك يبقى صمتك أفيد للجميع والرحمة حلوة برضه
ويا جماعة أنا ولا عامله نفسي مصلحة اجتماعية ولا فاكرة نفسي أم العريف ولا بيتهيألى إني حكيمة زماني والكلام ده اللي أكيد ناس ها تقوله أيا كانوا
أنا لو صغيرة في السن فتأكدوا إن خبرتي كبيرة أوى اكبر من سني و بعدين صاحب المشكلة مش ها يكون قدامه الحل بتاعي أنا وبس لا ده ها يكون قدامه حلول من كل الأنواع والأشكال والأعمار لأني ها سيب التعليقات مفتوحة
وإعلان هام
أي حد ها يقول كلام مش كويس أو يشتم أو أي تعليق مهين لصاحب المشكلة أو ليا أنا أو حتى للمدونة أنا ها حذفه مع إن مش من مبادئي حذف التعليقات بس ده ها يكون رحمة ورفقا بصاحب المشكلة اللي عادة لما بيبقى حد في مشكلة بيكون حساس جدا وسهل إن مشاعره تتجرح
إن شاء الله ها يكون فيه نشر لمشكلة في الأسبوع ده لو أنا مشغولة موووووووووت ولو أنا فاضية فها تبقى على قدر ما ربنا يقدرني إن شاء الله
والمدونة دي من باب من فك كربة مسلم وإدخال السرور على قلب مسلم
والله المستعان
Subscribe to:
Posts (Atom)