Tuesday, January 8, 2008

صديقتي وحبيبتي

تاني مشكلة جت للمدونة

أختنا بتقول

لي صديقة أحبها جدا جدا
عثرت عليها بعد رحلة بحث طويلة عن صديقة جيدة
والآن وبعد أن توطدت علاقتنا كثيرا وأصبحنا أكثر من أختين فإني معرضة لأن أخسرها
صديقتي مرتبطة بإنسان لم أرى منه إلا كل خير ولم أعرف عنه أي شيء سيء
رأيته معها مرات قليلة وتحدثنا سويا ثلاثتنا وبطبيعة الحال عرفت رقم موبايله وعرف رقمي
ارسل لي رسائل قليلة جدا كالتهنئة ربما اثنين

حدثت بين صديقتي وبينه مشكلة وقالت لى اتصلى به وكانى لا اعرف واجعليه يتصل بي
وهذا ما حدث فعلا اتصلت به واصلحت بينهما وقلت له انها لا تعرف كما اخبرتنى ان اقول له
وبعدما انهيت معه المكالمة اتصلت بها واخبرتها كل ماحدث

وتكرر هذا الامر مرة اخرى وايضا اخبرتها بما حدث

بعد ذلك حدثت لي مشكلة ولم تتصل بي صديقتي لتطمئن على ولم اكن اريد ان اتصل بها لاعرف هل سوف تتصل بي ام لا وخفت ان يكون عدم اتصالها لان عندها مشكلة

وكان الحل الذى وجدته لاطمئن عليها من دون علمها ان اكلمه واساله عنها وبالفعل فعلت هذا وقلت له الا يخبرها حتى ارى هل سوف تتصل بي ام لا

واتصلت بها بعد ذلك وتصالحنا

بعذ ذلك بفترة ليست بالقليلة إذا به يرسل لي رسالة كلمنى شكرا فاتصلت به

وسالته ماذا
قال انه حدثت مشكلة كذا وكذا بينهما وانه لم يعرف مع من يتكلم فحدثته ان ما فعلته هى كان شيئا مثاليا وانها تصرفت جيدا وانه ليس على حق لكى يغضب منها وانه لم يكن فى يدها غير هذا

بعد ذلك وجدته يتصل بي ويقول لى انه يريد ان يقابلنى ضرورى لامر هام وانه مش هاينفع يقوله فى التليفون
فقلت له هل هي مشكلة بينك وبينها قال يعني

الآن انا خايفة لا يكون عايز يسيبها خاصة بما انه قال لها كلام مثل ذلك وبعدين رجع قال لها انا اسف وماكانش المفروض اقول لك الكلام ده فى فترة امتحانات
خايفة لا يكون ناوى يسيبها بسبب انى تدخلت بينهم خاصة اننا بنشوف الكلام ده كتير اوى فى الافلام والمسلسلات

هل انا مخطئة انى تدخلت بينهم من الاول حتى ولو كان هذا بطلب منها ؟
والان ماذا يمكن ان افعل لكى لا اكون السبب فى انفصالهم ولكى اجعلهم يفضلوا مع بعض ؟
هل يتوجب على ان اخبر صديقتي خاصة وانا حاسه انه مش يستاهلها لو كان ده اللى فى نيته ؟

8 comments:

ftataljanna said...

انا شايفه انك مش غلطانه بالذات وانك وضحتى فى ملحوظتك انه عارف انك مستحيل تفكرى فى الارتباط

اما عن انك تعملى ايه فوالله انتى ماتتصليش بيه تانى وماتحاوليش تكلميه

ولو كلمك مرة تانية قولى له انك مش عايزة تتدخلى بينهم تانى لانه هما الاتنين كبار ويقدروا يحلوا مشاكلهم بنفسهم ولانك مابقاش عندك استعداد تدخلى بينهم لانهم لازم يتعودوا يتعاتبوا ويتفاهموا مع بعض

وبكده تبقى اعتذرتى منه بطريقة ماتخليهوش يحس انك فهمتى انه عايز يقابلك للسبب اللى انتى خايفه منه وتقدرى تحتفظى بصديقتك حتى لو حصل واتجوزوا كمان علاقتك بيه مش هايكون فيها حرج


وصديقتك ما تقوليش ليها اى حاجة علشان لو كان احساسك غلط ما تبقيش وقعتى بينهم وعملتى مشكلة من مفيش وكمان علشان علاقتك بيها ما تتوترش

احساس لسه حى said...

عزيزتى
لو هو ممكن يسبها علشان وجودك وتدخلك فى حياتهم يبقا اكيد مينفعاش اساسا وسهل يسبها لاى سبب وفى اى وقت
انتى ادخلتى ونيتك خير وبطلب منها يبقا بلاش تقولى حاجه ليها وبلاش تتدخلى تانى وبلاش تكلميه اساسا بدل شخصيته مش عجباكى
واكيد هيفترقوا وبلاش تكون انتى القشه اللى يعلقوا عليها فراقهم
لان فراقهم محتم واضح ده من كلامك
سلام

الطائر الحزين said...

خايفة تخسر صديقتها؟؟؟

الاول لازم تروح تحكى لها اللى حصل وبعدين ايه المشكلة العظمى اللى تخليها توافق انها تقابلة؟؟ مش عارف

غلط انها ما تقولش لصاحبتها لان هذا الأمر سيتم معرفتة سواء آجلا أو عاجلاً


لا توجد افضل من المواجهات المباشرة

تحياتى

رفقة عمر said...

انا شايفه انها مش تروح تقابله خالص وكمان ياريت مش تتدخل بينهم تانى مهما حصل ومش ترد على اى مكالمات منه نهائى
وتسيب صديقتها لمصيرها معهاه
لانه بصراحه الموضوع كله غلط من الاول

فرنسا هانم said...

هى كلمته ليه علشان تسأل على صديقتها ؟؟؟؟
طيب ماكانت تكلم صاحبتها على طول
وبعدين تدخلها غلط
وكلامها معاه غلط
وارسال تهانى غلط
ومقابلتها له لو تمت تكون اكبر الغلط
يابنتى طلعى نفسك من الحوار ده خالص
خالتك فرنسا

إنـســـانـة said...

انا شايفة زى رفقة بالظبط تدخلك من الاول فى الحكاية كان غلط

تدارك الغلط دلوقتى انك تحكى كل حاجة لصحبتك وتقوليلها انك حتشيلى ايدك من الموضوع ده تماما ومش حتردى على اى تليفون له ولا تخرجى تقابليه ولا حاجة خاااااااااالص

هو صدايقها هى مش صديقك انتى .. مالكيش دعوة بييييييييييه

ممكن ساعتها بجد تخسرى صحبتك وتخسرى إحترامك لنفسك وثقتك فى الآخرين

متأسفة اوى انا بقولك كدة بس رأيي انك تبعدى عن الموضوع ده بأسرع طريقة بجد

أنا إنسان said...

أنا تقريبا مش فاهم حاجه
يبدو انني لا زلت اعاني من ذلك المرض العضال
عدم الاجتماعيه
ادعولي بالشفاء
لكن انا من رائيي ان همه لازم يكونوا متجوزين او مخطوبين
وغير كده همه اللي غلطانين
أنا مش فاهم يعني ايه مرتبطه
ويعني ايه يسيبها
؟؟؟؟!!!!!
متجوزين وممكن يطلقوا يعني
لو كده
الواسطه مش حضرتك بقى
لا
اهلهم همه اللي يتصرفوا
!!!!!!!!!

كاشف الاوهام said...
This comment has been removed by a blog administrator.